Mga laruang made in China, hindi pa maayos

MGA laruan na naman ng bata ang nasa balita itong mga nakaraang araw. Mga laruang gawa na naman sa China. At katulad ng mga laruan na binawi ng mga distributor sa United States noong mga nakaraang bu­wan, may bagong la­ruan na naman na pe­ligroso sa mga bata. Ang laruan na ito ay may mga butil na kapag nalulon ng bata, may epekto na kaparis o similar sa mga ipi­nagbabawal na gamot o droga! May mga bata na nga sa US at Australia na nagka­sakit matapos malulon ang mga butil o aba­loryo. At hindi lang mga sim­pleng sakit ng tiyan o lagnat, kundi na-co­ma­tose ang mga bata! Sa Australia ay hini­matay ang mga bata. Wala na bang katapu­san ang pagbabawi ng mga laruan na gawa sa China? Hindi ba nahi­hiya na ang China sa mga nilalabas nilang mga produkto, maging pagkain o laruan, na peligroso? Ganyan na ba kababa ang kalidad ng mga produktong China, bagama’t mura?

Minsan talaga may kapalit ang murang bagay. Kaya nga sa China pinagagawa na ang mga gamit katulad ng laruan, damit, kaga­mitan, pagkain at iba pa kasi napakamura ng singil sa labor at mater­yales. Ang China ang pinakamalaking naglu­luwas ng laruan sa mundo, halos 60 per­cent ng laruan ng mun­do ay gawa sa China. Maraming tagagawa ng laruan ay sa China na lang pinagagawa ang mga produkto nila gawa ng murang labor. Pero buma­balik na sa mga tagagawa na ito ang kapalit. Mga prob­le­mang dulot ng maba­bang kontrol sa ka­ lidad ng mga produkto nila. Bilyong dolyar ang nawa­wala sa mga tagagawa nito kapag kailangan nilang bawiin ang mga produkto nila dahil sa peligrong dulot.

Panahon na para ba­gu­hin ang mga pa­ta­karan ng China ukol sa kalidad ng mga pro­dukto nila. Hindi na bale kung nasisira lang at walang nasa­saktan. Ang mahirap, may mga nasasaktan na, at mga bata at sanggol pa ang nadadamay. Na­pansin ko nga, nga­yong 2007, mga bata sa mundo ang nala­lagay sa sa­kuna at peligro. May mga ba­tang namama­tay dahil sa barilang nangyayari sa eskuwe­la­han, may mga ba­tang nagkaka­sakit da­hil sa mga laruang peligroso at pagkaing hindi malinis, may ba­tang nagpapa­ka­matay dahil sa labis na ka­hirapan. Nakalu­lungkot at nakapanga­ngamba.

Pangunahan ng hi­ganteng China ang pagpa­patupad para sa pagkakaroon ng ligtas na kagamitan, kasama na ang mga laruan.