SWS survey: Taumbayan  may tiwala sa Senado

KAHIT madalas kong pilantikin ang Senado sa sobrang pag­sawsaw nito sa mga  anomalyang kinasasangkutan ng administrasyon, hataw pa rin ito sa latest survey ng Social Weather Station (SWS). Number one sa trust rating. Lumalabas din sa survey na sa lahat ng matataas na opisyal ng pamahalaan, ang Senate President ang pina­kamataas na trust rating. Iyan ang pangkalahatang sentimiyento ng taumbayan, so be it.  Hindi natin masisisi ang tao dahil sa mga nagsusulputang eskandalo ng kinasasangkutan ng administrasyon. Suhulan, kickback, overpricing ng mga proyekto!

In fairness, mukha namang nagtatrabaho nang husto ang Senado upang pagsabayin ang paggawa ng mara­ming panukalang batas at pagsisiyasat sa mga kuwes­tyunableng transak­syon ng gobyerno. Balita ko, sa unang dalawang buwan ng ika-14 na Kongreso ay pi­nagtibay ang siyam na pam­bansang panukalang batas at kasabay nito ay nanguna ang Senado sa paghahanap ng kato­tohanan ukol sa $329 milyong ZTE — National Broadband Network deal.

 Ang resulta ng survey ay patunay na bigo ang mga tangkang sirain ang integridad ng Senado.

Mabuti naman kung nananatili ang tiwala at kumpi­yansa sa Senado, kung hindi’y aling institusyon pa ng gobyerno ang igagalang ng mamamayan? Wika nga ni Senate President Manny Villar, “Sa isang serbisyo-publiko, wala nang hihigit pang inspirasyon para magsikap sa trabaho kundi ang ipinapahayag na kasiyahan ng iyong mga pinagsisilbihan”.

“Karapat-dapat naman ang pagkilala sa aking mga kasa­mahan sa Senado na isinantabi ang pulitika at nagkaisa na isulong ang mga panukalang batas na pawang para sa kapa­kanan ng bayan. Syempre pa, ito nakakahikayat sa atin upang magtrabaho pa tayo ng husto” dagdag ni Mr. Sipag at Tiyaga.