Binudhiay
Bisan giunsa pagkinto nilang Presidente Gloria Macapagal Arroyo ug House Speaker Jose De Venecia aron di maklaro ang pagsi-ak na sa hugot nilang relasyon kaniadto, nisiwil gyud ang pagbudhi nila sa usa’g
Si De Venecia kanunay’ng miinsister nga nagpabilin siyang loyal sa presidente bisan pa sa gihimo sa iyang anak nga si Joey pagbulgar sa mga anomaliya sa NBN contract uban sa ZTE Corporation di niya mahimong ilimod ang iyang pagbudhi sa presidente niining nag-ong-ong nga impeachment complaint.
Klaro ang pagpakigkonsabo ni De Venecia sa kampo sa oposisyon aron pugngan ang minaro sa administrasyon nga pagpasaka og huyang nga impeachment complaint aron ma preempt ang mas undanon ug lehitimong kaso.
Bisan kun ministerial ang trabaho sa speaker pagduso sa kaso ngadto sa justice committee apan wa ni dayon buhata ni De Venecia. Ang tumong klaro, gusto niyang paabuton ang reklamo gikan sa mga sakop sa oposisyon aron malakip sa gihulagway nga huyang nga kaso nga gipasaka ni Atty. Roel Pulido.
Duna hinooy napulo ka session day si De Venecia paghimo niini ug ika-upat pa nga adlaw kagahapon dungan sa pag recess sa kongreso. Atol sa recess siguradong mangalap og lig-on nga ebidensiya ang kampo nilang JDV aron pit-on ang presidente.
Pero samtang mangita’g ebidensiya sila si De Venecia ug ang oposisyon, sigurado sab nga gitun-an sa administrasyon ang posibleng pagpapha niya isip speaker. Ang
Wa hinuon mag-inusara si De Venecia tungod kay suportado siya sa kampo sa oposisyon nga dunay 30 ka miyembro. Pero bisan pa og naa niya ang oposisyon, di gihapon ni paagi aron pug-an ang pagpalagpot niya kun tinguhaon gyud sa Malakanyang.
Masabot hinuon kaayo ang paglangan-langan ni De Venecia sa pagduso sa impeachment complaint sa presidente ngadto sa komitiba. Gigamit ni niya nga taming ug armas batok sa Malakanyang aron hulgaon sa dili pagtinguha nga siya mapalagpot sa pwesto.
* * *
E-mail: [email protected]
- Latest
- Trending
