Sumala sa labing ulahing balita, ang Ubos Balay Balauranan andam nang moreport sa plenary session sa gitawag nga Cheap Medicine Bill.
Ang maong balaudnon, kon mahimo nang usa ka balaud kon Akta Republika, gituohang mopaubos sa presyo sa tambal kon medisina sa nasud diin sa pagkakaron giingong usa sa labing mahal sa tibuok kalibutan.
Grabeng mahala sa atong medisina. Pananglitan ang usa ka tambal nga gibaligya og P100.00 dinhi sa ato mapalit lamang sa P10.00 sa ubang nasud sama sa India ug Pakistan.
Busa kinahanglan gayud nga mapasar ang Cheap Medicine Bill sa labing madaling panahon samtang buhi pa ang atong mga masakiton kinsa misalig na lang sa Kahitas-an tungod kay dili makapalit sa ilang medisina gumikan sa kamahal niini.
Hinaut unta nga isalikway sa mga magbabalaud ang giingong lobby batok sa gihisgutang Cheap Medicine Bill.