Malas si Abalos!

PINAG-ARALANG mabuti ni ex-Comelec chairman Benja­main Abalos ang ginawang pagre-resign. Palagay ko hindi lamang kanyang pamilya ang sinangguni niya kundi pati mga taga-Malacañang. Naniniwala akong alam ito ni President Arroyo.

Naipit nang husto si Abalos dahil sa national broadband network deal. Kahit sabit din si DOTC Leandro Mendoza, Trade Sec. Peter Favila at dating NEDA Director General Romulo Neri, mas matindi ang lawak ng pagkakasangkot ni Abalos sa nasabing eskandalo. Kaya ang pag-reresign ni Abalos ang pinagkayarian na ma­ gandang hakbang para mahinto na muna ang kontro­bersiya. Ang pagbibitiw ni Abalos ay paraan din para makaiwas sa impeachment complaint. Inunahan na ni Abalos ang pag-iimpeach sa kanya ng Kongreso sa pamamagitan ng pagbibitiw. Malas si Abalos sapagkat siya ang napuruhan sa eskandalong ito.

Ordinaryo na sa Pilipinas ang corruption na kina­sasangkutan ng mga matataas na opisyal ng pamaha-laan. Nabalita na marami pang susunod na proyekto ang gobyerno na tulad ng CyberEducation project na mag­kakahalaga ng bilyong dolyar na loan mula sa China.

Hindi ko alam kung ano ang magiging epekto ng pag-re-resign ni Abalos. May mga pumipilit sa kanya na pangalanan kung sinu-sino ang iba pang maiimplu­wensiyang tao sa deal. Sana’y mag-resign na rin sila na katulad ng ginawa ni Abalos. Abangan!