Gikan sa cellphone number 0926-5183653: “Good day, Sir. Gusto unta nako nga mahatagan og leksiyon ang mga badlongon diri sa Cabatingan Compound, Galaxy, Maguikay, Mandaue City. Bisan kaadlawon na magdisco-disco pa gihapon sila nianang ilang payag-payag. Ang sa likod anang payag may balay nga gamay nga gihimo nilang suyopanan sa shabu. Tanang gabii gyud na sila. Labi nag Sabado. Sabado night gani ilang tawag. Ang tupad sa payag nga apartment, kanang naa sa ubos nga room. Salamat gyud.” -- Sent: 08:15:19am-- September 21, 2007)
Gihatagan nakog agianan kining maong text dinhi ning lindog dili tungod kay mituo ko sa tanang alegasyon sa texter, kondili aron pinaagi niini makahatag kitag tips ngadto sa proper authorities ug ilang masubay kun tinuod ba kini o dili. Wala ko masuheto sa lugar nga ginganlan sa atong texter pero misalig kong wala siya magtumotumo. Ug kun tinuod ang iyang pasangil, angay gyud kining aksiyonan sa atong proper authorities aron masulbad ang problema.
Kanang pag-disco hangtod sa kaadlawon makadisturbo kana sa mga residente sa duol labinag kusog kaayo ang sound system. Labing maayong i-regulate kana. Ug kanang giingong suyopanan og shabu nga balay luyo sa usa ka payag, angay kanang susihon sa mga awtoridad aron masuta kun tinuod ba ang alegasyon sa atong texter nga may magsuyop og shabu nianang maong balay. Kun tinuod man, angay kanang himoan og tukmang lakang.
* * *
Sa laing bahin: Good day. Alang ni sa kapolisan sa Lapu-Lapu City. Kanang pikas bahin sa Opon market naay police station pero sa pikas pod nga bahin naay suyopanan og rugby ubos sa isdaan. Maayong masumpo ni.” -- 0917-9993467 (Sent: 08:00:15-- September 21, 2007)
Daghan nay mipadangat og sumbong diri kanako mahitungod niini. Wala pa diay gihapoy nakabadlong nianang tigsuyopan og rugby diha sa Opon merkado? Siyaro na man sab! Duol ra man kaha kana og police station? Grabeha na man sab kun wala gyoy nakadiparal niana? Haskang paita kun mainutil tang tanan nianang kalakiha!
* * *
(Sumbong ug reklamo? Text sa 0910-8105522).