EDITORYAL – Unsay ilang ikasulti

Daghang pundok, lakip na ug labi na ang mga pundok sa walhon, ang kusganong nanaway sa Human Security Act. Gibatikos niini ang kagamhanan ilabi na si Presidente Arroyo kinsa maoy nangusog nga kining balaura mapasar sa Kongreso.

Tungod kay kita usa man ka demokratikanhong nasud, gihatagan ang tanan — apil na ang mga komunista— sa kahigayunan pagpadayag sa ilang kusganong objection sa gihisgutang Akta. Mga mahait nga pulong ang ilang gigamit batok sa Presidente.

Karon daghan ang gusto makadungog gikan sa mga militanteng sakop sa mga pundok nga mibatikos sa administrasyon tungod sa pagpasar sa Human Security Act  kun unsay baruganan nila kalabot sa kamatayon sa l4 ka Marines, diin l0 niini gipamunggutan sa ulo sa mga rebeldeng Moros nga sakop sa MILF ug mga sakop sa teroristang Abu Sayyaf.

Matud sa usa ka maestra: “Kining mga gitawag nga militanteng pundok nagpatuyang lang batikos sa gobyerno apan wa lang silay timik bahin sa kamatayon sa atong mga sundawo.”