EDITORYAL – Di kinahanglan tangtangon

Misugyot ang Citom ngadto sa Mayor nga tangtangon ang atop sa mga skywalk aron maluwas kini sa mga libudsuroy ug mga makililimos.

Daghan ang nangyamiid sa maong sugyot. Suma pa sa uban: “Magpauwan o kaha magpainit na lang ang mga pedestrians?”

Matud pa sa usa ka business executive: “Porbida ang sayon ra nga sulbaron nga problema ila pa gyung lisud-lisuron.”

Ngano kuno nga di man mo-assign ang Mayor og mga tawo nga mobadlong niadtong mopuyo sa skywalk. Naay mga polis, mga tanod, mga traffic enforcer, etc. nga mahimong tahasan sa pagdumili sa mga libudsuroy sa paghimo sa skywalks nga ilang pinuy-anan.

“Ipaguba gyud ang atop nga gigahinan og dakong kantidad sa paghimo...grabe sad,” nagkanayon ang businessman.