EDITORYAL - Kusganong aksyon gikinahanglan

Nagpadayon ang pagpangabuso sa mga rebeldeng MILF ug Abu Sayyaf. Di pa lang dugay l4 ka mga sundawo sa Philippine Marines ang gipamatay, l0 niini ilang gipunggutan sa ulo. Grabe.

Bisan pa sa kagrabe sa gihimo sa MILF ug Abu Sayyaf ang kagamhanan ubos ni Presidente Gloria Arroyo mipadayag og kalmadong reaksyon. Peace talks ug peace process gihapon ang gibantayan nga dili mabungkag.

Daghan sa mga tigpaniid ang misaway sa maong baruganan sa Presidente. Alang kanila panahon na nga isalikway kining peace process nga giyam-iran lang sa mga rebeldeng MILF.

Ang mensahe sa kadaghanan ngadto sa Presidente mao nga iya nang paphaon sa iyang hunahuna ang peace process ug tiwasan na ang mga rebelde ginamit ang tanang puwersa sa militar. Siyaro sab, wa pa siya makakita nga gibinuangan ra sa mga rebeldeng MILF ang proseso sa kalinaw nga gustong kab-uton sa iyang administrasyon?

Kusganong aksyon ang gikinahanglan batok sa mga abusadong terorista.