Mahuman na karong adlawa ang buwan sa Mayo -- 17 ka adlaw na sukad sa eleksyon nga gipahigayon adtong Mayo 14 -- apan naa pay mga mananaug nga wa pa ika-proklamar.
Kini tungod sa mga protesta sa mga pildero. Ug kining maong mga protesta mitumaw gumikan sa mga kapakyasan sa pagsunod sa mga lagda kalabot sa piniliay.
Nagtuasik ang mga pasangil nga sayop ang pag-ihap sa mga boto ug dunay mga pagpanikas sa habig sa mga dumadaug ug midaug na.
Masubli gihapon kining maong mga pasangil ug mga self-serving nga alegasyon sa 2010 nga piniliay kun dili pa gyud mamodernisar ang proseso sa atong eleksyon pinaagi sa computerization.