Mary Ann nangayo'g tabang
Taliwa sa pangangkon sa mga opisyal sa Commission on Elections nga malinawon ug malampuson ang eleksiyon niadtong Mayo 14, ang grupo sa mga international observers miingon nga daghang bulilyaso ug di andam ang comelec pagpahigayon niini.
Ang maong obserbasyon gikasuko ni Comelec regional director Ray Rene Buac. Tinuod way katungod ang mga sakop sa delegasyon sa maong mga langyaw pagpanaway sa atong eleksiyon, tungod kay pipila sa mga sakop niini gikan pod sa mga nasud nga mas grabe pa ang problema.
Gani dunay mga international observers nga gikan sa mga nasud nga sa pagkakaron gidumala sa military hunta ug grabe ang human rights violations.
Apan sa pikas bahin, bisan kon wa koy bilib sa pagpanaway sa mga international observers giunsa nato pagpahigayon ang atong eleksiyon, wa sab ni nagpasabot nga ato nalang piyungon ang atong mga mata sa grabing palpak sa comelec pagsanta sa daghang mga paglapas sa atong mga kandidato.
Ang grabing pinalitay og botos sa mga kandidato niadtong miaging eleksiyon maoy kamatuoran sa kainutil sa comelec. Kanunay nilang lusot ang kakuwang kuno nila’g tawo pagpatuman sa balaud.
Kon kanunay’ng piyongon sa mga opisyal sa comelec ang ilang mga mata ug tabunan ang ilang mga igdulongog sa kamatuoran sa tikas matag-eleksiyon di gyud malimpiyo ang atong piniliay.
Inay nga ipasangil sa kakuwang og tawo, angayang dawaton sa atong mga opisyal sa comelec ang kamatuoran nga sila kabahin sa problema. Ang tinuod, di masulbad ang tikas ug palit sa eleksiyon kay nagpakabuta bungol ang mga opisyal sa comelec ug ang uban nila lakip sa mga nahalin.
Kon way mga opisyal sa comelec nga nangahalin, di ta tang kadungog og mga reklamo sa tikas diha sa canvassing. Ang kadudahang mga ballot boxes pananglitan nga nakuha sa surveillance camera didto sa kapitolyo nga gipalusot sa canvassing sa Bogo,
Laing kamatuoran sa operasyon sa tikas mao ang pagtungkawo sa mga nailang “operators” panahon sa eleksiyon gikan sa kaulohan. Ang serbisyo sa grupo sa mga nailang tikasan gikatahong gikuha sa pipila ka mga politiko dinhi sa Sugbo aron unta pagsiguro sa ilang kadaugan.
Apan way swerte kay kon ang kaatbang pay pasultihon, ang maong mga tikasan nga milampus sa ilang pagpanikas sa mga nanlabay’ng eleksiyon, gibuno lang sa mga Sugboanon.
Tungod sa grabing pagbantay sa mga Sugboanon sa maong mga notadong tikasan wa gyud silang kabuylo sa ilang pagpanikas, resulta napildi ang kandidato nga mikuha sa ilang serbisyo.
* * *
- Latest
- Trending
