Gikan sa cellphone number 0927-5785531: "Good day, Sir. Ang School sa Lawaan I nangayo og amot nga P230 kada bata nga mo-graduate. Sakto ba kini? 239 ka buok ang mo-graduate karong tuiga." -- (March 14, 2007 -- 17:54:54)
Medyo ulahi na sa graduation season iniggawas niining maong sinulat pero sige na lang. Ang importante nga nahatagan natog pagtagad ang inyong text. Unsaon man god nga daghan man kaayo tag texter maong dili gayod mahatagan dayon og pagtagad ang uban. Hinaot nga inyong masabtan.
Dili na lang ko mokomentaryo bahin nianang giingon nga P230 kada bata nga mo-graduate nga pangayoon sa eskuylahan. Basta kay sa akong nasayran, ang DepEd wala magdasig og bongga nga graduation o commencement exercises. Hangyoon na lang nato ang mga magtutudlo nga sa sunod ayaw pabug-ati og maayo ang mga ginikanan.
Sa laing bahin: "Good day, Sir. Mangayo ko og advice nimo about sa akong gitrabahoan. Nag-ingon man god ang among management nga mag-contractual na. Pero nagtuo ko nga kadto rang mga bag-o ang i-contractual. Apil diay mi nga mga karaan. Ug kami kunong mga karaan i-re-apply kuno mi ug pasubmiton mi og application letter ug pa-pirmahon og kontrata bale og 5 months. Angay ba mi mopirma og kontrata ug mo-submit og application letter nga dugay na man mi nagtrabaho? -- 0918-4436649 (January 22, 2007 --11:52:12)
Dili kaayo ko makahatag nimog komprehensibong tubag sa imong pangutana. Pero kun ang buot mong ipasabot sa pulong "karaan" mao nga na-regular ka na sa trabaho, nagtuo ko nga tukion kaayo kini. Isugyot ko kanimo ang pag-refer niining maong problema sa usa ka batid nga abogado o ba kaha sa buhatan sa NLRC. Posibleng may kalapasan nga nahimo ang inyong employer nianang ilang gihimo kaninyo kon regular na man ugaling kamo sa trabaho ug ipanundog lang kamo sa mga bag-o nga i-contractual.
Sa balaod man god, adunay balaod bahin sa retrenchment ug kinahanglang hatagan sa kompaniya ang empleyado sa tanang pribilihiyo alang kaniya. Ug human niini, ayha pa siya mahimong i-re-hire. Aron masusod ang tanan, dangop kamo sa NLRC.
(Sumbong ug reklamo? Text sa 0910-8105522)