Ug samtang gibahin ang hinabang

Hilabihang lipaya sa mga tawo sa ilang pagkasayud nga dunay mga hinabang ug limos gikan sa kagamhanan alang kanilang nabiktima sa mapintas nga katalagman. Pakpak daw molagapak sa mga nawong namuti sa mga pulbos ug sa mga ngabil nga namula sa lipstick nga inutang sa Avon. Apan human ang daklit nga hudyaka nibanos ang kalagot ug kasuko kini tungod kay dunay uban nga nakadawat nga gikulangan ug dunay buot modawat ug wala gyud makadawat ug labaw na nga wala unta magkinahanglan ang nahimong naghinobra ra pud ang ilahang napupho sa okay-okay ug lahugay sa mga kamot nga gigamhan sa mga hakog nga espiritu sa mga panuway!

Pamalandong

Bisan asa ning kalibutana anaa gyud ang dili makiangayong sistema ug pagpihig-pihig.Mas haom nga sugdan kini sa kaugalingong pagdisiplina sa dili makiangayong kahakog sa usa ka tawo nga bentahoso.