Druglord facilitation sa NAIA

DAPAT mangilin ang mga kuwago ng ORA MISMO, dahil Kuwaresma ngayon pero nanggagalaiti sa galit sila porke isang druglord ang muntik na namang makatakas sa Philippines.

Ang isyu, DISCREET ang ala-James Bond na imbestigasyon regarding kay Hsu Hung Hui, ang Taiwanese national na sinasabing nasa Order of bottle este mali Battle pala ng PDEA.

Sabi nga, druglord daw kasi !

Muntik nang makalabas ng Philippines my Philippines si Hui kung hindi naging maagap ang mga secret agents sa paliparan. Naghihintay na kasi ito para sumakay ng eroplano na magdadala sa kanya sa ibang country.

Magkano kaya?

 Binigyan si Hui ng departure clearance ng isang immigration officer kahit na may derogatory ito sa PDEA.

Nag-request kasi ang PDEA sa DOJ na ipa-hold si Hui kasi nga nasa Order ng pansit este Battle pala ang kontrabida.

Tatlong lespu sa NAIA ang kasalukuyang kinakalkal para magbigay linaw kung bakit sila ang itinuturong escort with a fee ni Hui?

Ang lady immigration na nagbigay ng departure clearance ay pakakantahin din ng MIAA intel para linawin kung bakit niya paaalisin si Hui.

Hindi tatantanan ng mga kuwago ng ORA MISMO, ang kasong ito dahil hindi lang isa, dalawa, tatlo, apat kundi maraming beses na sumasabit ang immigration officers sa NAIA sa pagpapaalis ng mga taong kriminal?

Tama ba, Mr. Freddie Sampol?

Ano na kaya ang nangyari sa ginawang pagbubulgar ni Congressman Ace Barbers regarding sa mga anomalya ng BI?

Mukhang na whitewash?

"Mukhang malaki ang panggastos kay Hui?" anang kuwagong maninipsip ng tahong.

"Tiyak iyon," sagot ng kuwagong SPO-10 sa Crame.

"Huwag muna nating pangalanan ang mga culprits na mga sinasabing escort at ang lady immigration na nagbigay ng departure clearance kay Hui."

"Bakit ?" tanong ng kuwagong Kotong cop.

"Mangilin muna tayo at baka mapatawad pa ang mga kamote."

"Magdasal?’

"Siyempre."

"Bakit kilala ba ng mga kamote ang Lord?"

"Kaya nga druglord, di ba?"

"’Yon lang!"