EDITORYAL — Usa ka lamppost, usa ka balay

Gikataho nga ang decorative lamppost nga gipabarog daplin sa kadalanan sa Mandaue nagkantidad og P224,000 o kapin pa gani matag usa.

Minilyon ang total kun kinatibuk-an nga balor sa maong mga lamppost kay daghan man niini ang gipamalit.

Matud pa sa usa ka newspaper reporter nga kun gigamit ang maong kantidad alang sa low-cost housing sa mga kabus, daghan unta ang mabulahan.

Ang kantidad nga P224,000 makapatukod nag low-cost housing unit, apil na niini ang yuta. Gani ang low-cost housing nga tukuron sa Cenewof alang sa mga periodista nagbalor lamang og P200,000 matag unit.

Apan nagasto na man ang kuwarta ngadtos lamppost. Wa na tay mahimo gawas na lang sa pag-ingon: Maayo unta kun ang kabus makapasilong sa mga lamppost inig bunok sa uwan.