Dakog deductions

Usa ka security guard ang mi-text kanato nga nagkanayon: "Good day, Sir. Usa ako ka ulitawo og nagtrabaho isip usa ka security guard. Gikuhaan ang among suweldo kada kinsenas og dili moubos sa P1,100 sa among agency. Lakip ang cost of living allowance i-apil sa tax deduction. Sa gross man gud nila gibase ang pag-deduct sa tax sa among suweldo. Husto ba ang ilang gibuhat? Pila ka porsiyento ba ang withholding tax? Thank you and God bless." -- 0906-60140xx

Maayo unta kadto kon gilakip nimog tug-an kon pila ang imong suweldo aron atong masuta kun husto ba ang gi-deduct sa imong suweldo nga P1,100 nga withholding tax kada kinsenas. Magdepende man god kana sa suweldo.

Ang pundasyon sa income tax o buhis mao ang kita. Ang buot ipasabot, ang tanang kitaon sa matag lungsoranon mahilakip sa konsiderasyon sa buhis. Dugtong niini, ang cost of living allowance maisip usab nga income alang sa mamumuo tungod kay siya man ang modawat ug mopahimulos niini. Sa tinamban nga pagsabot, mokita ang trabahante ug tungod niana aduna siya'y magamit alang sa iyang basic needs. Mao nga ang COLA maisip usab nga income sa trabahante.

Ang dili mahimong kuhaan og income tax mao ang mga butang nga gihatag sa kompaniya nga ang tumong mao ang kabulahanan sa kompaniya. Ang mga example niini mao ang mga gamit nga gikinahanglan sa trabaho, balay nga duol sa kompaniya aron pagseguro nga dali rang makontak ang empleyado, transportation allowance kun sobra ka layo ang gipuy-an niini, ug daghan pang uban.

Basura

Sa laing bahin: "Naa lang koy reklamo bahin sa tigkuha og basura diri sa San Roque. Ang garbage collector mga palahubog kaayo. Dili na lang makakuha sa basura og tarong. Ang kapitan walay monitor sa garbage collector." -- 0920-4571609 (January 24, 2007--11:11:01)

Maayo unta kadtog gidetalye pa sa texter kun asa nga lungsod o siyudad nahisakop kining San Roque nga iyang giingon. Bisan pa man, awhagon nato si kapitan sa pag-monitor sa palahubog nga mga garbage collector.

* * *

(Sumbong ug reklamo? Text sa 0910-8105522)