EDITORYAL - Gipapili si Gloria

Si Gobernador Gwen Garcia mihangyo kang Presidente Arroyo sa pagpili sa iyang kandidato pagka gobernador sa Sugbu. Siya si Gwen ba o si kanhi Kongresista Junnie Martinez.

Sa laing bahin, si Martinez misugyot ngadto sa Presidente sa pagdeklarar sa lalawigan sa Sugbu nga usa ka "free zone" kon sona libre diin hatagan og kagawasan ang iyang mga "botos" dinhi sa pagdagan pagka gobernador diin wala siyay piliong paluyohan.

Ang sugyot nga himuon nga free zone ang lalawigan sa Sugbu mora lag mihatag kang GMA og kahigayonan sa pagsakay og duha ka kabayo kun sa iningles pa"riding on two horses." Sigeng kaltas way remittance MODUS Ni Uriel Vallecera Mao kini ang unod sa reklamo sa usa ka texter nga nagpaila sa ngalan nga Robert. Dismayado siya sa iyang gitrabahoan tungod kay sigeng gikaltasan ang ilang suweldo para sa SSS, PhilHealth ug Pag-ibig pero wala kini i-remit sa ilang employer. Aron inyong masabtan, ania ang iyang text:

"Good day, Sir. Itago lang ko sa ngalan nga Robert. Naa miy problema sa among trabahoan kay since last year (2006) pa sa among pag-start og work, mga January gyud to, sige mig kaltasan sa among SSS contribution apan walay ni-appear sa akong pag-inquire sa SSS, wala pay labot ang sa PhilHealth ug Pag-Ibig ini. Unsa man ang buhaton namo niini?" -- 0928-2632788 (Feb. 1, 2007 -- 17:15:56)

Una sa tanan, mangutana ka sa taga SSS kon unsay angay mong buhaton. Ipakita mo ang imong pay slip aron pagmatuod nga gikaltasan ang imong suweldo alang sa SSS contribution. Unya mangayo ka sa ilang advice kon unsay angay mong buhaton aron matuki kon unsa nay gidangatan sa gikaltas sa imong suweldo nga wala man diay kini ika-remit sa imong employer. Dako man gyud ang posibilidad nga wala kini i-remit kay wala man kahay ni-appear sa imong pag-inquire.

Maayo sab unta kadto kon modirekta kag inquire sa imong employer. Pero aduna ra bay ubang employer nga masuko. Basin initan ka ug pangitaan lang og bikil aron matangtang ka sa trabaho. Daghan na ra bang nahitabo nga ingon niini. Mao nga mas maayo nga i-refer una nimo ang imong suliran ngadto sa taga SSS mismo. O ba kaha mokonsulta ka sa usa ka abogado aron pagseguro nga dili ka mosipyat.

* * *

Sa laing bahin: "Sakto gyud bitaw nga wad-on na ang mga dispatser kay naghatag lang na sila og kahasol sa mga driver." -- 0918-4760001 (Feb. 2, 2007 -- 17:11:15)

Mao gyud unta kini ang angay buhaton ngadto sa mga dispatser. Saksi ko sa kahasol nga gikadulot niining maong mga dispatser ngadto sa mga driver kay mosakay man pod kog PUJ usahay kon makasuroy sa dakbayan sa Sugbu. Pastilan, hasol kaayo! Wala man unta kinahanglana sa mga driver ang ilang serbisyo, ba. Mao nga manghinaot ta nga mas mapahugtan ang pagpatuman sa anti-dispatching ordinance.

(Sumbong ug reklamo? Text sa 0910-8105522)