EDITORYAL - Nakadaut sa turismo

Di pa lang dugay usa ka mayor sa Amerika kinsa mianhi sa Pilipinas alang sa usa ka opisyal nga katuyoan gibiktima sa mga kawatan samtang kini naa sa sud sa usa ka beauty salon didto sa Manila.

Di pa lang sab dugay, usa ka turistang Koreana dinhi sa Sugbu ang giilugan sa iyang bag human kini pusila sa duha ka tulisan.

Diha sad toy hitabo didto sad gihapon sa kaulohan diin usa ka Haponanon nga turista ang gibiktima usab sa mga armadong kawatan.

Walay duhaduha nga kining mga panghitabo nakadaut sa imahe sa Pilipinas didto sa gawas sa nasud. Nakaguba kini sa turismo nga gitinguhaan sa pagpalambo sa atong kagamhanan.

Hinuon, kabahin sa pagpusil sa Koreanang turista dinhi sa Sugbu, nakabawi ang nasud tungod kay wa madugay nadakpan ang mga tulisan sa kapolisan.

Gani ang local Korean community mipasalamat ug midayeg sa mga polis tungod sa ilang kaabtik.