Mikaylap ang drugas

Karong panahona mikaylap na ang ginadiling drugas sa bisan asang dapit. Bisan gani sa mga dapit nga maingon tang layo na sa buhilaman nakaabot na ang payuhot sa drugas. Lisod gayod sumpoon sa hingpit ang payuhot sa ginadiling drugas. Mas maayo nga mokooperar ang katawhan ngadto sa kapolisan aron mamenos-menosan ang suliran sa drugas. Angay sab aksiyonan sa mga polis kon adunay nagpakabanang lungsoranon nga makahatod kanila og impormasyon. Angay nilang i-check kon tinuod ba ang kasayoran.

Dugtong niini, usa ka texter nagkanayon: "Good day. Diri sa DAS, Lutopan, Toledo City wala man gyod aksiyoni ang pagkaylap sa drugas. Kini hinuong nanginabuhi og tarong maoy ilang dakpon." -- 0918-5735287 (Jan. 13, 2007 -- 07:45:23)

Manghinaot ta nga iniggawas niining imong text dinhi sa atong column, naaksiyonan na ang pagpayuhot ug pagkaylap sa drugas diha sa DAS, Lutopan, Toledo City. Dako ang posibilidad nga nag-monitor ang kapolisan kalabot sa kalihokan sa mga tigpayuhot diha apan wala pa lang gyud kini nila masakpi sa akto.

* * *

Sa laing bahin, niay text nga akong hatagan og kagawasan dinhi sa akong lindog. Dili na lang ko mokomentaryo bahin sa iyang yangungo ug reklamo. Ako lang ipalusot ang iyang text aron pagpahungaw sa iyang gibati.

"Ania: "Good day, Sir. Moreklamo unta ko sa suweldo sa akong Papa, dugay kaayo i-release. Wala pa gyud mahatag ang suweldo nila sa December. CIIB assistance ang work sa akong Papa unya gamay ra gyud ang suweldo. P100 ra ang adlaw. Dugay pa gyud ihatag. Naa sa gipang-impound luyo sa SM akong Papa na-assign. Mora ra man na sila og sekyu kay magbantay ra sila didto. Ang ako lang reklamo kon nganong dugay ihatag ang ilang suweldo. Daghan na kaayo mig utang. From concerned son of Inayawan." -- 0921-6943930 (January 13, 2007 --15:30:13)

Inigkapatik niining imong text, dako ang kahigayonan nga na-release na ang suweldo sa imong Papa. Basin duna lay nahitabong diyotay'ng aberiya nga maoy hinungdan nga nalangan og gamay ang pag-release sa iyang suweldo.

(Sumbong ug reklamo? Text sa 0910-8105522)