Gipirmahan dili pa lang dugay ni Quezon City Mayor Sonny Belmonte Jr. ang ordinansa nga mipabug-at sa mga multa ug pagkabilanggo sa mga tawo nga nalambigit sa bandalismo.
Ang atong siyudad nagkinahanglan usab nga mohimog susamang lakang kay hangtud karon anaa pa kining mga badlungong tawo nga maghugaw-hugaw sa mga paril, bongbong ug poste sa atong dakbayan. Bisan kadtong mga paril nga pinintalan og mga nindot nga desinyo sa mga budding student artists giisprehan pa gyud og mga graffiti sa mga vandals sa atong komunidad.
Hinaut unta nga hatagan sad og atensyon sa atong kagamhanan ang problemang mugna sa mga vandals. Tingali ang mga barangay tanod anaa sa posisyon sa pagsulbad niining problemaha.
Iapil nato kining paggukod sa mga vandals sa atong tinguha sa pagpadayon sa pagpanindot sa siyudad nga gisugdan niadtong pagpahigayon dinhi sa 12th Asean Summit.