Ang tihik
Dunay usa ka ministro ang kusganon kaayong nanghinaway sa iyang isigka-ministro nga nahimong manggihatagon sa mga kabus niyang mga kaubanan sa buhat sa pag-ebanghelyo. Dugang pa, dili siya makaako pagpalugwa og bisan pudyot na lang sa salapi aron ikapalit og arang bugas sa iyang mga gikutoy nga mga kaubanan nga sama kaniya nanlimbasog aron pagsangyaw sa maayong balita. Nahimo siyang negosyante og kumkomero sa salaping dili gyud unta niya porsoso.
Walay kwestiyon kon tarongon lang paggamit ang salapi diha sa panudlanan sa usa ka relihiyon. Ang pagtabang wala magpasabut og paghatag sa tanan apan labaw na nga wala kini magpasabut og tinihik nga way hinungdan. Kay walay programang mahitabo kon ang mga hingtungdang kaliwat ni Melkesidek magpagapos sa yawan-ong bul-og sa hinakog nga matang sa pagaka-tihik