EDITORYAL — Aron maputol ang binuang

Pipila ka adlaw gikan karon bitayon na si Saddam Hussein, ang kanhi diktador sa Iraq kinsa nahukman sad-an sa iyang pagsugog pamatay sa gatusan ka mga Shiite Muslims didto sa Iraq.

Si Hussein gisentensyahan nga bitayon human sa demokratikong proseso sa korte didto sa iyang nasud. Pagkahuman gitugotan siya nga moapelar sa appellate court kinsa mikonpirmar sa hukom sa lower court.

Suma sa balaod, ipatuman ang hukom na kamatayon sud sa 30 ka adlaw human kini ka konpirmahi sa appellate court. Ug gumikan sa maong konpirmasyon, si Saddam Hussein pagabitayon na sud sa 30 ka adlaw gikan sa desisyon sa appellate court.

Kon ingon niani unta ka dali ang pagpatuman sa sentensya sa korte dinhi sab sa ato, hayan masulbad na ang mga kabuang sa atong mga badlongong opisyal sa gobiyerno.