At ito ay dulot ng bagyong tumama;
At ito’y sa Bicol naman nanalanta
Maraming namatay, maraming nawala!
Ang masakit nito mga pulitiko
Hindi kumikilos upang sumaklolo;
Mga kongresista’t tao ng Senado
Abalang-abala sa pagnenegosyo!
Ang negosyo nila’y hindi magkaisa
Sa con-ass na lubhang ginusto ng iba;
Tuloy ang bangayan —- tuloy ang salita
Gayong nakalugmok itong buong bansa!
Mabuti pa ang pope na agad nagdasal
Para matahimik ang mga namatay;
Samantalang silang nasa sa malapt lang
Wala kang narinig ni munting pagdamay!
Buti pa ang mga bansang nasa tabi
Nitong bansa natin na palaging api;
Sila’y sumaklolo -— ang relief kay dami
Kaya nabawasan ang pagkaduhagi!
Mga pulitiko nitong Kabikulan
Walang umuuwi sa sariling bayan;
Mga paa nila’y ayaw maputikan -
Kung kaya ang dusa’y walang katapusan!
Palaging ganito ang takbo ng buhay
Lalo’t may trahedyang sa ati’y dumatal
Mga nasalanta’y sila-sila na lang
Sa sarili nila ay nagsisidamay!
Kaya mabuti pang wala ng Kongreso
Saka wala na rin’yang Parliamento;
Baka mabuti pang tayong mga tao
Sa ating sarili ay mag-asikaso!
At kung may trahedyang darating sa atin
Mga pulitiko’y huwag nang pansinin;
Kailangang tulong ating balikati’t
Tulong ng dayuhan ang ating hintayin!