Diha sa pagpili

Ang Dios Miingon
Pamalandong Matag Domingo
Disyrembre 10, 2006: Ikaduhang Domingo sa Adbiyento
Mga Pagbasa: Ba. 5:1-9/Fil. 1:4-6,8-11/Lk. 3:1-6

Ginaingon nila nga ang kalibutan is becoming too pluralistic sa kapasikaran nga daghan og daghan na gyud ang kapilian sa tawo gikan sa mga ginagmay ngadto na sa mga dinagkong butang. Gikan sa unsang channel sa telebisyon ngadto na sa matang sa cellphones nga gamiton. Ug ang nakapait kay daghan naman ang kapilian, maglisud naman hinuon sa paghimo sa pagpili.

Ning taliabot nga pasko sa pagkatawo sa atong Ginoo, gidapit kita sa paghimo og usa ka mapalandongong pagpili sa mga butang ug desisyon nga angayang himoon sa kinabuhi. Ang kadaghanan padayong nipili sa pagpuyo sa waldas nga pagkinabuhi. Ang pipila padayong nagpaulipon sa kahakog sa gahom og sa pasidungog. Samtang ang uban padayong nanlimbasog sa mga sayop nga pagtuo og panlantaw. Ug samtang ang uban pa gyud ang nagpabiling nabutaan sa gilaw sa kalibutanong bahandi. Nakalimtan ang Dios ug labaw sa tanan, nakalimtan ang kang Kristong pagtulon-an...

Ning panahon sa adbiyento asa naman kita dapit? Husto ba ang atong gihimong pagpili? Ug giunsa man nato paggamit ang atong kahigayonan sa pagpili?

* * *

E-mail: [email protected]