Pagmalipayon aron ka masantos

Si Papa, Benedicto XIV ang nahimong papa niadtong tuig 1740 hangtud na sa tuig 1758. Apan sa dihang wala pa siya ma-santo papa, usa siya ka abogado ug tungod niini, gitudlo siya ni Papa Clemente XI nga natahasan diha sa pagka-kanonisar sa usa ka santos sulod sa mga bayente na ka mga katuigan. Ang maong tahas, maoy nagtukmod kaniya sa pagsulat og usa ka libro kansang unod mao ang pagtuki sa mga timailhan ug mga hiyas nga huptan aron ang usa ka tawo ilhon nga usa ka santos. Ug ang nakapahimo sa maong libro nga interesante kaayo mao ang usa ka hiyas nga angayang huptan sa usa ka kandidato: "NAGMALIPAYON BA SIYA TALIWALA SA MGA PAGSULAY?" Husto gyud ang karaang panultihon nga gikahinaman ni San Juan Bosco nga nagkanayon: "Ang magul-anong Santo usa ka dautang Santo!"

Pamalandong

Gitawag ang tawo aron makapuyo sa kinabuhing madagayaon ug malipayon sanglit kini man ang atong bokasyon. Diha sa kinabuhing Kristohanon, angayang huptan ang usa ka malipayong diwa aron dili bug-at og laay ang pagpuyo sa kinabuhing balaanon....