itong boxer nating si Manny ‘‘Pacman" Pacquiao
Sa bilis ng kamay at sa kanyang tapang
itong buong bansa ay muling nagdiwang!
Paano ngang hindi tayo magsasaya
di tayo binigo nitong ating bida;
Kampeon sa suntukan mahusay talaga
Sa lahat ng boxer wala nang uuna!
Kaiba talaga ang talent ni Pacquiao
pagka’t sa suntukan siya ay eksperto;
Tamang-tama namang sa panahong ito
kailangan natin ang isang idolo!
Tumpak lang si Manny ay maging huwaran
nitong ating bansa’t buong sambayanan;
Kung lumalaban na’y di siya mayabang
at nagdarasal pa sa tuwing lalaban!
Tuwing nasa rueda at siya’y susuntok
nasa isip niya ang baya’y lumusog;
Ang pagkakaisa’y lagi niyang luhog
sa TV at radyo’y panawagang lubos!
Kaya nga si Manny ay walang katulad
sa lahat ng taong sa bansa’y namulat;
Kalaban at hindi – palagi n’yang hangad
tayo’y magtulunga’t ang bansa’y umunlad!
Ngayon ang bayani at saka idolo
ay itong si "Pacman" marangal na tao;
Kaya ang dalangin ng pitak na ito
huwag sanang lumaki ‘yang iyong ulo!
Huwag na huwag mong ngayon ay isipin
na ang pulitika ay iyong pasukin;
Lahat mong salapi’t ngalang mataginting
mawawalang lahat sa politics natin!
Huwag ka ring padala sa alok at sulsol
na sa pulitika ikaw ay pumatol;
Sapat nang sa bayan ikaw ay tumulong
magtayo ka na lang ng Sports Foundation!