Paninikip ng dibdib at ang nakahahawang Hepa-B

KUNG nahihirapan ka sa paghinga o nagsisikip ang iyong dibdib baka may diperens’ya ka sa puso. Kadalasang ang mga nahihirapang huminga o nagsisikip ang dibdib ay mga tumatanda, lalo na ang mga may diabetes.

Kapag mataas ang cholesterol level dapat magpatingin sa cardiologist. Ang pagkakaroon ng mataas na kolesterol ay risk factor sa sakit sa puso. Dapat sumailalim sa ECG para makita kung may lamat ang puso.

Mabisang paraan para malaman kung grabe ang chest pain ay ang pag-exercise sa threadmill. Malalaman din dito kung may bara ang mga ugat sa puso kaya nahihirapang huminga.

* * *

Delikadong mahawa kapag nakipag-sex sa may Hepatitis-B. Batay sa pag-aaral ang Hepa B ay madalas na nakukuha sa sexual intercourse at sa mga karayom na ipinang-iineksiyon lalo na kapag kinukunan o sinasalinan ng dugo. Dapat ay bago at malinis ang karayom na ginagamit sa pagkuha at pagsasalin ng dugo.

Ipinapayo na dapat na magkaroon ng healthy lifestyle at iwasan ang paninigarilyo, pag-inom ng alak, pagdodroga at ang multiple sexual relationship. Ipinapayo rin ang pagkain ng wasto magpa-check up ng regular sa doctor.