Delikado ang pneumonia pag hindi naagapan

MARAMI sa atin na kahit may karamdaman ay hindi nagpapatingin sa doctor. Meron pa nga na nagsi-self medicate. Dahil ang gamot ay epektibo sa kaanak o kapit-bahay kaya iyon na rin ang iinumin bilang panlunas.

Ayon sa allengologist na si Dr. Eileen Talusan Garcia dapat na ma-check-up ng doctor ang isang maysakit para mabigyan ng tamang prescription ng mga gamot. Sabi pa ni Dr. Garcia na maging ang mga bata ay madaling dapuan ng pneumonia.

Sintomas ng pneumonia ang lagnat, sinisipon at inuubo at hirap sa paghinga. Dalawang kla-se ang pnuemonia – ang broncho-pneumonia at labor pneumonia. Bata at matanda ay dinadapuan ng broncho-pneumonia.

Sabi ni Dr. Garcia ilan sa mga nagti-trigger ng pneumonia ay ang grabeng pag-ubo, allergy na galing sa pollution kabilang na ang alikabok at usok ng mga sasakyan, ang mga balahibo ng mga alagang aso at pusa at mga dustmites na nasa unan, kumot at kama. Binig-yang-diin niya na dapat na maging malinis para maiwasan ang pagkakasakit.