EDITORYAL - Ang kapildihan sa Democrats

Ang resulta sa midterm election didto sa Estados Unidos diin nangharos ang Democrats batok sa Republicans ni Presidente George W. Bush gikonek sa mga tigpaniid sa politika dinhi sa ato sa posibleng mahitabo sa piniliay sa sunod nga tuig.

Nailog sa Democrats (opposition) ang mayoriya sa House of Representatives ug Senate diin naghari ang Republicans ni Bush.

Ingon kaha niini ang mahitabo sa partido ni Presidente Gloria Arroyo kinsa mao karo'y nagkupot sa mayoriya sa atong Kongreso?

Adunay mga tilimad-on nga masugamak usab si Presidente Arroyo sa samang kaparutan nga naangkon ni Presidente Bush kun mahinayon ang gitakdang piniliay sa sunod tuig.

Apan dili angay'ng kalimtan nga si Mrs. Arroyo adunay kasinatian sa pagwakli sa posibleng kapildihan sama sa nahitabo sa ilang panagsangka ni aktor Fernando Poe Jr. diin dakong inilog ang aktor sa lumba sa pag-ilog sa Palasyo adtong miaging eleksiyon presidensiyal.