Ang kadako ug kagamay sa Dios

Usa ka adlaw niana si Anthony Collins sa Inglatera ang nakigkukabildo sa usa ka yanong mamumuo nga padulong sa simbahan aron mosimba. Iya kining gipangutana: "Mag-unsa man ka sa simbahan?" Ang tawo mitubag: "Adto ko didto aron mosimba sa Dios!" Buot ni Anthony Collins nga libogon ang maong manimbahay busa iya kining gipangutana: "Unsa man ang imong Dios gamay o dako?" Ang yanong mamumuo ang mihatag sa pinakamaayo nga tubag: "Ang akong Dios nga gisimba dako tungod kay dili paigo alang kaniya ang langit ug ang yuta. Apan gamay siya tungod kay ania siya kanunay sa akong kabus nga kasingkasing." Pamalandong Ang mga yanong tubag usahay mas hingpit pa ug makinaadmanon. Ug kini makatandog ug makapausab sa dagan sa pagkinabuhi sa usa ka tawo...