EDITORYAL — Naa na bay secret marshal sa mga PUJ?

Usa ka operator sa public utility jeepney (PUJ) mihangyo sa kadagkuan sa kapolisan sa pagpahibawo sa publiko kun aduna na bay mga secret marshal nga gipasakay sa mga PUJ.

Pormal unta kuno nilang ipahibawo ang opisyal nga deployment sa mga secret marshal aron dili mabiktima ang mga drayber nianang mga tawong nagpaka-marshal-marshal aron dili makaplite sa ilang gisakyang PUJ.

Usa ka drayber misumbong nga dunay usa ka pasaherong lalaki nga midumili sa pagplite tungod kay kuno usa siya ka secret marshal.

Ang maong drayber ug pipila niya ka isigka-drayber buot usab masayud kun libre sakay ba ang mga secret marshal.

Pormal na ba nga duna nay mga secret marshal nga gipasakay sa mga sakyanang de pasahero?