Tirador ni Orsolino huli!

AKALA siguro ng mga kamoteng killer ni Alberto Orsolino, natutulog sa pansitan ang mga tauhan ni NPD bossing Pol Bataoil kaya naman nagpakaang-kaang sila sa kanilang kuta. Sabi nga, nag-relax ang lintik!

Nasungkit ng kapulisan si Rommel Lirazan, sinasabing isa sa mga kamomote kay Orso sa hideout nito sa Laguna sa tulong ng mga madlang people todits. Ika nga, inginuso!

Si Rommel ay pakuya-kuyakoy sa kanyang kuta nang gulatin ng mga tauhan ni P/Inspector Joseph Laurate, bossing ng Victoria Police Force. Sabi nga, nabigla.

Akala ng kolokoy ay lusot na siya sa butas, este mali, batas pala kaya pa-relax-relax ito sa kanyang lungga. Ang masama, nang maramdaman ng madlang people na todits sa isang masukal na lugar nagtatago ang kontrabida ay walang habas na itinuro ito sa ating mga bidang lespu.

Kaya naman mabilis na tinawagan ni Pol si Joseph regarding kay Rommel ang kamoteng tirador ni Orso.

Bilib ako kay Pol, hindi nagpapabaya sa tungkulin gaya ng pangako niya na patitinuin niya ang CAMANAVA. Sabi nga, umalis na ang mga kriminal dito!

Kung ako sa mga gago sa CAMANAVA ay lalayas na ako todits para lumipat ng lugar at doon ipagpatuloy ang kagaguhan nila.

Ang maganda kay Pol, ladies and gentlemen, buhay as in nakakausap ang mga wanted people na nahuhuli ng kanyang mga tauhan. Sabi nga, wala sila sa kabaong!

"Saludo ang Alyansa ng Filipinong Mamamahayag (AFIMA) kay Pol at mga kasamahan ko sa media," anang kuwagong sepulturero.

Hindi kasi ito kamote nagpapabaya sa kanyang work!

"Pol, keep up the good work," sabi ng kuwagong SPO-10.

Mabuhay ka!