Nganong hadlok man sila sa Sugbuak!

Firstly, seguro gyud ni nga di molusot sa Kongreso. Ug labaw pang di molusot sa plebisito, kon muabot man niini nga stage. Busa, nganong hadlok man sila? Hadlok sila tingalig mahimong balaud?

Unpopular kaayo ang maong mga laraw. Ang media ug ang Simbahan naghiusa batok ning maong mga lakang sa mga pro-Sugbuak advocates. Busa, waay angay kabalak-an. Alang nako, di gyud magmalampuson.

On the other hand, hinoon, sa ato nang nahisgutan dinhi, with open and with an objective mind, imo bang gi-consider og maayo ang mga bintaha ug dis-bintaha sa proposal pagbuak sa Sugbo?

Sa giingon nga mga pag-survey sa mga pari sulod sa ilang mga parokya laban ug supak ning maong proposal gi-eksplikar ba ang both sides of the issue? Ug sa imong pag-isa sa imong kamot (ang uban kono duha gyud ka kamot) pagsupak niini, imo bang gituhog og maayo ang mga isyo?

Seguro gyud ka nga makadaut kanimo ang pagbuak sa lalawigan sa Sugbo? Seguro ka?

Ako, sa akong pagka-ako, ako nang giingon dinhi nga uyon ko pagbuak sa Sugbo, apan, into two lamang, and not into four tiny provinces. Sa ato pa, into North ug South Cebu, or Oriental ug Occidental Cebu, o into Cebu lamang ug Osmeña province, pahinungod ni Don Sergio.

As you know, daku na kaayo ang Cebu province. Di na kahatagan sa husto, tukma ug igong atensiyon ang tanang katawhan, ilabina kadtong atua sa kasuokan ug kabukirang sityo ug barangay sa tibuok lalawigan.

Sumaa, kamo diha, naabot ba gyud mo sa tanang serbisyo sa provincial government? Waa bay kakulangan? Seguro ka? You could be joking, kon moingon ka nga kontento ka 100 percent sa mga serbisyo nga gihatag kanimo sa gobiyerno.

Sa laktod, di ba mas makabintaha ta kon duha na (di sad upat) ka provincial government ang mualagad kanato? Hunahunaa kono nig maayo Dro, una ka muabli sa imong baba.