Mabisang exercise sa matataba at diabetic

IBA’T IBA ang paraan ng pag-eexercise. Ayon sa pag-aaral na isinagawa ng mga taga University of California, ang nagpatunay na ang weightlifting exercise ay mabisa sa mga obese at diabetic. Ang naturang pag-aaral ay nilahukan ng mga kabataang sobrang matataba at ang iba’y may diabetes. Napatunayan na epektibo ang weightlifting exercise twice a week.

Ang pag-aaral na ito at sinang-ayunan ng diabetologist na si Dr. Celia Samson-Talusan ng Capitol Medical Center na nagpapakadalubhasa ngayon sa diabetes sa Texas, USA. Sinabi ni Dr. Talusan na ang weightlifting ay nagpapababa o nagrereduce ng insulin sensitivity. Inirerekomenda niya na dapat magpababa ng timbang upang maiwasan na mapinsala ang puso at iba pang organs ng katawan.

Narito pa ang ilang mabisang paraan ng pag-eexercise na inilahad ni Dr. Talusan. Ang paglalakad ay nakatutulong para masunog ang fats at para pagpawisan ka na kung saan sumisingaw sa balat ang mga toxins. Ang paglakad ng pataas at pababa ay nakapagpapatibay ng laman at buto at sinusunog ang malaking amount of calories. Ipinapayo rin niya na sa pag-eehersisyo ay gumamit ng tamang walking shoes. Subukan ding gumamit ng stick para mabalanse ang paggalaw sa paglakad lalo na ang matatanda at subukan din ang tinatawag na backward walking for a change of pace.