EDITORYAL - Police extortionists gibantayan

Ang Criminal Investigation and Intelligence Branch (CIIB) gikatahong misusi sa mga taho kabahin sa mga polis nga nalambigit sa extortion kun pagpangilkil.

Ang mga gipamiktima niining maong mga polis, suma pa sa taho, mao ang mga tawo nga gidudahang nalambigit usab sa drug trafficking.

Suma pa sa intelligence reports nga nadawat sa CIIB kining pundok sa police extortionists nag-operate sa daghang kalungsoran dinhi sa Sugbo ug sa Bohol.

Seryoso si Supt. Pablo Labra, hepe sa CIIB, sa iyang tinguha nga masumpo ang kalihukan niining mga badlongong polis ug manghinaut kita nga maangkon niya ang kalampusan.

Ang kooperasyon sa bag-o lang namugna nga mga "Honesty Teams" makatabang og dako kaayo sa paningkamot sa CIIB sa pagsumpo sa pagpangilkil niining mga badlongong sakop sa kapolisan.