Ilabina kon presently nagbaton silag lig-on ug himsog nga panglawas, ug daghan kaayo silag kwarta ipalit sa sigarilyo. Igo lang silang moingon nga dako na silag gasto, ug mas balig biyaan ang asawa kay sa pagpanigarilyo.
Alang kanila, nindot gyud kaayo ang panigarilyo. Langit na kini alang kanila. Dili mahingpit,alang kanila ang adlaw lakip ang gabii kon di sila makayup-yop, at least usa ka kaha sa sigarilyo. Usa ka katinuod nga lalake kon manigarilyo ka. He-man ka, macho ka, tunay ka na lalake kon kanunay'ng nag-aso kanang imong baba. Ug tungod kay daghan na man sang mga babaye nga manigarilyo, cute kaayo silang tan-awon kon mag-aso-aso usab ang ilang mga baba, if only to prove nga ang smoking dili kay alang lamang sa mga lalake.
Taliwa'a sa kabalaka sa tibuok kalibutan batok sa danger sa smoking, nagkadaghan hinoon ang manigarilyo, ug nagka-intensive ang mga advertisement pabor sa panigarilyo. Tinabangan sa media ug mga outlet sa entertainment ug information, kaylagi ang nagbuhi nila mao man ang mga advertisement, ilang gi-promote og maayo, giikag ang pagpanigarilyo, ug gihulagway ang kaanindot niini.
Sa bag-ong gihimo nga World Cancer Congress didto sa Washington, gihulagway ang ka-peligro sa smoking, ug gi-estimate nga mokapin sa usa ka bilyon ka tawo ang mamatay karong sigloha gumikan sa smoking. Matud pa: "An estimated one billion people are going to die this century as a result of smoking."
Of course, di motuo ang mga smokers niini, ug kataw-an lang ni sa mga manufacturer sa sigarilyo ug sa mga media outlets nga nagsalig sa cigarette advertising. Ang maong kasayoran gibutyag sa "Cancer Atlas" ug "Tobacco ATLAS," duha ka reference publications, nga closely nag-monitor sa global incidence sa cancer gumikan sa panigarilyo.
Dugang niini, ang agence france press mikutlo sa gibutyag sa American cancer society nga sa lima ka kaso sa pagkamatay gumikan sa cancer, usa niini, gumikan sa panigarilyo. Ato ning usbon: smoking accounts for about one in five cancer deaths.
Giingon nga karong tuiga, mas daghan ang mamatay gumikan sa smoking kay sa gumikan sa aids, tb, ug malaria combined. Ato ning padayonon sa sunod natong lindog.