Samtang alang sa uban, dali ra kaayo nga makakab-ot sa kalipay, apan alang sa uban, lisud kab-uton ang kalipay. Samtang ang uban, bisag way mga paningkamot, dali ra kaayong malipay, samtang ang uban, bisag unsaog paningkamot, kusog sad kaayong molihay ang kalipay.
Hinuon, lain-lain ang atong perception sa kalipay. Niay uban nga malipay nga magsud-ong sa kasakit sa uban. Ang uban sad, dakung kalipay tapus maka-lie, maka-cheat, ug tapus maka-steal. Mao ni ang ilang kalipay.
Anyway, niay mga panultihon gikan gihapon sa libro ni Roy B. Zuck, ako ning i-share ninyo, bahin sa happiness.
The happiest people don't necessarily have the best of everything. They just make the best of everything. It's not how much we have, but how much we enjoy that makes happiness.
Di kinahanglan nga naa kanimo ang tanan, ang the best of everything, aron ka malipay, kay kon hunahunaog maayo, daghan kaayo nato karon nga samtang anaa na kanila ang tanan, apan, di malipayon. Ang mahinungdanon, mao nga kon unsa man ang anaa kanila, maoy ilang himuon nga the best of everything.
Kay dili maoy mahinungdanon kon unsa ang anaa kanimo, kon dili, nga kon unsa man ang anaa kanimo, ni-enjoy ka niini, ug nakahatag kanimog kalipay. Don't tell me, nga kinahanglan kang makaangkon og usa ka milyon ka pesos aron ka malipay, kay ang usa ka libo ka pesos lamang.
Keep busy at something. A busy person never has time to be unhappy. Tinuod, di ba, Dro? Giingon nga an idol mind is the workshop of the devil. Mao nga kon kanunay'ng kang busy, di ka makalugar paghunahuna nga ikaw unhappy. Segun kon unsay imong na-busy-han. Kon busy ka pag-lie, pag-cheat ug pag-steal, ambut unsang klaseha sa kalipay ang imo unyang makab-ot.
Kini, ra bang kalipay nga pinaspasan ug tinikasan, hilaw ang atong mga pahiyom, hilaw ang atong mga talidhay. Kini tungod kay tulisokon kita sa atong tanlag. Mao ni ang resulta kon ang imong utok gihimo nang workshop sa devil.
Wa'a ka kasuway ini Dro?
Komentaryo? Text 0916-6484650.