Yuna pa, ang uban nato, nakalimot nga kining tanan ning kalibutana temporaryo ra gyud. Lakip ang kalipay, ang tanang kabtangan ug kadungganan nga atong maangkon, temporaryo ra gyud. Ambut ngano nga ang uban nato, mora mag ilang gi-consider nga mga permanent residents, maoy hinungdan nga hilabihan nilang pamakak, panikas ug pangawat. Pastilan!
Anyway, kining mga katalagman ug kasakitan nga atong masugamakan ning kinabuhi, ang mga problema ug kakulian, mahimo nga atong i-convert ngadto sa pagka-opportunity kon kahigayonan paglampos.
Si Thomas Edison (siyarog wa'a ka kaila niya, Dro), samtang nagsud-ong helplessly sa nagdilaab niyang bodega, iyang gipundok ang iyang mga trabahante, duol sa naugdaw niyang warehouse, nagkanayon: "We are going to rebuild. Because you can always build opportunity out of tragedy." Balik-balika nig basa, Dro, tungod kay kasagaran nato, magdangoy-ngoy dayon, di na kalihok, wa'a nay mahimo, mawad-an dayog paglaum, tapus sa usa ka katalagman, tapus sa usa ka tragedy.
Apan si Edison miingon nga we can always build opportunity out of tragedy.
Sa ato pa, bisag unsa ka daku sa katalagman nga mohapak sa tawo, mahimo nga kini himuong kahigayonan paglampos, ug dili himoong hinungdan sa pagkapakyas.
Dugang niini, giingon nga "Great men rise above adversity and attain new heights of achievements by turning tribulations into triumphs., failures into fortunes, setbacks into successes, obstacle into opportunities, and burdens into blessings. They refuse to be hampered by handicaps, dismayed by discouragements, overcome by opponents, defeated by disappointments, or destroyed by disasters." Balik-balika sad nig basa, Dro. Ang nagsulti niini, si William Arthur Ward.
Daghan kaayong mga hitabo ning kinabuhi nga mihatag og kagul-anan sa tawo, apan, alang sa uban, wa'a sila magpadaog niini, hinoon, gihimo kini nilang inspirasyon ug dakung opportunity pagdugang sa ilang paningkamot pagkab-ot sa kalampusan.
Busa, Dro, ayaw padaog sa mga katalagman nga imong mahiagoman; himoa kining opportunity to rebuild. Komentaryo? Text 0916-6484650.