EDITORYAL — Sakto si Bise Gobernador

Husto — korek — ang giingon ni Bise Gobernador Greg Sanchez nga dili angay'ng tagdon ang pasangil nga segunda mao nga mga structural steel bars ang gigamit sa konstruksyon sa Cebu International Cultural Center.

Husto tungod kay kining maong pasangil dili kay dili tinuod kundili aduna usay bulok sa politika.

"Di na angayang hatagan og pagtagad," matud ni Bise Gobernador Sanchez. Sakto.

Ang mga nagtrabaho gud sa gihisgutang proyekto adunay deadline nga giapas kun gigukod ug dili maayong usik-usikan ang ilang panahon sa pag-atiman sa mga pasangil nga walay klarong basihanan.

Nagkaduol na ang Disyembre kanus-a ipahigayon ang 12th ASEAN Summit ug kinahanglan mahuman na ang CICC diin himuon ang maong tigum sa mga lider sa ASEAN.

Mao nga sakto ang bise gobernador sa iyang pag-ingon nga di angayang tagdon ang pasangil nga way klarong basihanan.