Karaniwang nagkakaroon ng bulati ang mga batang naka-exposed sa maruming kapaligiran. Ang mga itlog ng bulati ay nasa maruming lupa. Kapag naglaro ang mga bata sa lupa, didikit ang mga itlog sa kanilang kamay at kung hindi sila maghuhugas ng kamay sa oras ng pagkain, tiyak na ang itlog ng bulati ay mapupunta sa kanilang bituka.
Kaya nararapat na panatilihing malinis ang katawan at kapaligiran para maiwasan ang mga bulati.
Madali namang makilala ang mga batang may alaga sa kani- lang tiyan. Ang mga bata ay karaniwang malalaki ang tiyan at namumutla, matamlay, mabagal lumaki, la-ging sumasakit ang tiyan at bumababa ang timbang. Sabi ng mga doktor, ang mga batang may bulati ay mahina ang performance sa klase.
Imulat sa mga bata ang ugaling pagsasabon at paghuhugas ng mga kamay bago kumain lalo na kung dumumi. Laging pagsuutin ng tsinelas ang mga anak. Laging alagaan at linisin ang mga kuko ng mga anak.
Kumunsulta sa doktor para maturuan ng tamang paggamot sa mga bulati. Hindi ito dapat ipagwalambahala ng magulang.