Pahuway pud uy!

Ang Dios Miingon

Pamalandong

Hulyo 23, 2006: Ikanapulog-unom nga Domingo sulod sa tuig

Mga Pagbasa: Jer. 23:1-6/Ef. 2:13-18/Mk. 6:30-34

Usa sa mga amahanon ug inigsuong tambag nga gihatag kanako sa akong mga formators sa Seminario Mayor de San Carlos mao: "Dodong, pahuway pud uy! Ma-burn out niya ka!" Tingali nakita nila ang akong paagi sa paglihok. Unsaon man gud nga daw sa magluya man hinuon ko kon walay buhat. Mao nga ang pagpanulat gihimo ko na lang past time apan bisan pa niana, kini gihapon kuno sa kahago nako makatampo. Bitaw tinuod sab. Mao tingali nga dili na hinuon ma-epektibo diha sa ministeryo kay hurot naman tanang kusog sa mga trabahong walag-tuo.

Dili baya dautan kining magkugi kita. Apan bililhon usab ang pagpahuway. Pagpahuway nga nag-kahulogan og pagkama-bungahon inay ang pagkawalay hinungdan. Dili tinuod nga pahuway nga inighuman sa buhat hala tua, nagluos og inom tibuok gabii. Mao nga mga matang budlat nang daan nahimong daw sama sa galansiyang napus-an.

Rest with the Lord mao ni mapupo nato karong Domingoha. Nga sa ato pa, ingon nga mga lumilihok ma-simbahan man o ma bisan asa, kinahanglan gyud ang pahuway. Kini aron makapamalandong, makaampo, makabaton og kalinaw inay ang kasamok sa hunahuna ug ang pagbaton og kusog inay ang kaluya. Praktikal nga tambag nga ako pud nga gisugdan og buhat: "Make God as the Essential Part of your Life. Inig mata nimo Pasalamat sa Dios. Inigkatulog nimo, pasalamati ang Dios tungod sa mga panghitabo anang adlawa. Kay diha sa paggahin og mga gutlo sa pagpahuway nga mabungahon kita mas makahimo pa og mga butang mapuslanon!