Ang imong tanlag

Giingon dinhi: The greatest tormentor of the human soul is a guilty conscience.

Sa ato pa, kon ikaw, adunay dautang nahimo, kanunay kang hasulon sa imong tanlag. Sigehan kag tulisok. Di ka mahimutang.

Hinuon, kon wa'a kay kalag, wa'a kay tanlag, wa'a kay guilty conscience, di gyud mahasul, di gyud ka ma-tormented. Sayon-sayonon ug yano-anohon na lang nimo ang pagpamakak, ang pagpanikas, ug ang pagpangurakot.

Maayog usa ka lang ka yanong lungsuranon nga nagbuhat niini. Apan, kon naghupot kag dakung posisyon sa gobiyerno, sikwati ang lungsod.

Nia pa: "Conscience is a little three-cornered thing inside of me. When I do wrong, it turns around and hurts me very much. But if I keep on doing wrong, it will turn so much that the corners become worn off, and it does not hurt me any more."

Tinuod no? Buot ipasabot dinhi nga kon magsige na kag paka-sala, sige na kag buhat og dautan, sige na kag baligya ug pamalit og votes, sige na kag pamakak, panikas ug pangurakot, di na ka maka-feel og guilt.

Ang imo na nga conscience ang mi-surrender, Unya, tungod kay wa'a na kay konsiyensiya, waa nay motulisok nimo, wa'a nay mobadlong nimo, hayahay na kaayo ka. Makapatuyang ka na sa tanan mong gusto.

Mao kaha ni Dro, ang nahitabo sa atong nasud karon? Nga tungod kay daghan sa atong mga lider wa'a nay konsiyensia, nagpatuyang na lang sila sa ilang mga gusto, pagpahimulos sa gahom, pagpaburot sa ilang mga bulsa ug mga bank accounts, aron magpabilin sa gahom? Ania na ba kita karon sa giingon nga "a nation without a conscience?" Mao ba kini ang hinungdan ngano nga naglisud kitag palutaw sa kamatuoran?

Komentaryo? Text 0916-6484650.