Ang hinungdan nganong demolison kun papahawaon kini sila mao nga nakapahuot sila sa sidewalk kun aseras. Laing rason mao nga nahimo silang eyesore kun ngil-ad nga tan-awon ilabi na ning nagsingabot nga pagpahigayon dinhi sa 12th ASEAN Summit.
Kun mao ning mga hinungdan sa gitakdang demolisyon adunay solusyon niini diin di na kinahanglang papahawaon pa ang mga vendor.
Himoan silag uniform kun managsama nga stalls nga maglinya sa sidewalk diin ang gidak-on dili makasagabal sa mga pedestrian. Nindoton kini -- pintalan og attractive colors -- ug paabangan sa mga tinderog tindera.
Mao kini ang gihimo sa kagamhanan sa Kuala Lumpur diin kaniadto nagkayamokat lang ang mga vendor sa sidewalk ug aseras. Nahimo sab kini nga attraction sa mga turista.