Mas madaling tamaan ng Alzheimer’s disease ang mga matataba

MAS madaling magkaroon ng Alzheimer’s disease ang mga taong obese o sobrang matataba. Ayon sa isang pag-aaral na ginawa sa Oakland, US, ang mga matataba na may edad 40 pataas ang mas madaling tamaan ng Alzheimer’s.

Ayon sa pag-aaral sobra ang pagiging makalilimutin ng mga matataba kapag tinamaan ng Alzheimer’s sapagkat maging pangalan at address nila ay hindi matandaan. Ang matindi pa, pati ang kanyang mga kapamilya ay hindi na makilala o matandaan ang mga pangalan.

Ipinapayo ng mga American Health experts na bago sumapit ang edad 40 dapat nang magbawas ng taba. Isipin na ang sobrang taba ay apektado ang kalusugan. Payo rin na maging malakas ang determinasyon na bawasan ang mga pagkaing mayaman sa cholesterol.

Kumain ng mga sariwang prutas at gulay at importante rin ang regular na pag-eexercise. Mabuti sa katawan ang paglalakad, pagja-jogging, paglalangoy at pagbo-ballroom dancing.