Ayaw usiki ang panahon

(Fifth Wheel)

Mahinungdanon kini alang kanila nga anaa sa pamatigayon: "Isul-ob ang imong kawo. Kon ugaling mosulod sa imong opisina ang tawo nga buot mong pakigsultihan ingna nga mao pay imong pag-abot. Apan kon wala kay hilig nga makigsulti kaniya ingna nga padulong na kang mogawas!"

Pamalandong

Ang tawo usahay pilian ug magdali-dali lamang. Apan bililhon ang pakigkukabildo. Kini tungod kay kitang mga tawo nabuhi og mahingpit lamang diha sa pakigkukabildo. Diha sa pag-usik og pipila ka gutlo sa pakigkukabildo, matunhay ang usa ka relasyon.