Ilad sa hiring

Dunay mga kompaniya nga dili magtarong sa ilang pagpang-hire og mga trabahante. Ang gisaad nilang trabaho sumala sa ilang pahibalo dili diay maoy matuod nga trabahoon sa aplikante sa higayon nga makatrabaho na kini. Ang nakaparat kay panguwartahan pa gayod nila ang aplikante sa dili pa nila dawaton.

Niay text sa usa ka biktima sa ingon niini nga sistema: "Mga management trainee po kami ng isang business enterprise. Gusto na naming magkaroon ng justice ang panlolokong ginawa nila sa amin. Ang ilang pasalig nga after 45 days training ihatag dayon nila ang certification nga pag-sign og contract but according to a concern supervisor, 2 months nila i-process.

"Office personnel gyod ang ilang gi-hire like secretary, cashier, supervisor and trainor. After interview, orientation dayon. According sa trainor, lifetime job, big salary and many benefits. Then standard position. Nindot nga pasalig. 45 days daw maximum days sa among training without knowing unsa gyod ang among trabaho sa training. However, we are going to dispose any one of their products as our pratical exam worth P2,000 to P3,000. Most of us spent our money just to comply the exam. Daghan kaayog pasalig then after a half day seminar, nasayod na mi unsay among work. Dili diay office works. Igo ra gyod mi gigamit as their agents kay wala man silay agents sa iilang mga produkto. As of now nanghawa na mi then wala gyod mi suweldo bisan P1.00." -- 0918-3932577 (June 14, 2006-- 08:45:20)

Gihatag sa atong texter ang ngalan sa maong business enterprise pero ato kining gipugngan in fairness sab ngadto sa tag-iya ug tagdumala niini. Kon maoy atong basehan ang alegasyon sa texter, klaro kaayo nga ilad ang maong hiring. Ang labing klaro mao nga gilansisan lang nila ang mga aplikante nga office personnel ang ilang gikinahanglan pero sa himanhiman himuon lang diay nilang ahente nga maoy mobaligya sa ilang mga produkto. Ang uban mga aplikante mao na lay mopalit sa maong produkto aron pagsegurong makapasar sa practical exam. Makagasto gyod!

Pagbantay kamo niining maong estilo sa tinonto. Maoy aplayi ang trabaho nga klaro ug walay sagol nga pangilad.

(Sumbong ug reklamo? Text sa 0910-8105522)