EDITORYAL — 166

Nagreklamo na ang Cebu City Police Office gumikan sa kadaghang magbinuang og tawag gamit ang 166, ang hotline sa kapolisan sa dakbayan sa Sugbo.

Ngano man gyud nga aduna may magtinunto. Sa tanan, ang 166 pa gyud nga maoy dali kaayo natong madakpan sa higayon nagkinahanglan kita og tabang sa kapolisan?

Daghan ang mobarug pabor niining 166 tungod sa kadaghan nang kinabuhi ug kabtangan ang naluwas tungod lamang sa pagpindot sa tulo ka numero aron makasumbong sa kapolisan.

Maayo ang lakang ni CCPO Director Supt. Melvin Gayotin nga dakpon kadtong magbugalbugal og tawag sa maong hotline.

Madamay kitang mga nagtinarong pagdangop sa kapolisan gamit sa hotline.

Busa, kamong naghunahuna sa pag-inamaw og tawag sa 166, ayaw na lang na ninyo og buhata aron dili kamo makadamay sa kinabag-an engkaso makahukom ang kapolisan pagwagtang niini.

Kun inyong buhaton, inyo ang risgo nga mapriso kun madakpan.