EDITORYAL - Cellphone sa matag police station

Ang tanan police station sa rehiyon (Central Visayas) isyuhan og cellular phone aron masayon ra alang sa publiko ang pagkontak sa estasyon sa polis kun duna silay reklamo batok sa scalawag nga sakop sa kapolisan.

Ideya kini ni PNP Central Visayas Director Silverio Alarcio kinsa nagkanayon nga ang maong cellular phones gamiton lamang sa pagdawat og mga reklamo batok sa mga crooked policemen.

Giklaro usab ni Regional Police Community Relations Division chief Alexander Abadinas nga ang cellphone alang ra sa official use ug dili kini dad-on sa balay sa gi-assign nga operator niini.

Maayo kining proyektoha ug nahibong kita nganong karon pa man kini nahunahunaan sa kadagkuan sa atong kapolisan. Sa dugay'ng panahon naglisud ang mga lungsuranon kon asa sila mopadangat sa ilang reklamo kun dunay abusadong police nga ilang hitagbuan.