Ang Asean Summit

Hilabihan natong pangandam sa umaabot nga Asean Meet. Dapat na lang. Kinahanglan gyung pangandaman. Daku kini nga event. Ug usa kini ka dakung exposure sa atong dakbayan ug lalawigan.

Hinuon, hangtud ron, medyo wa pay klaro ang gisaad nga usa ka bilyon ka pesos gikan sa national government. Ang kuyaw nga kon di moabot o partial lang ang madawat, maputos na sad ta sa dagkung utang tapos sa event.

Karon, sige na sang panapak sa kadalanan. Ug tungod kay ila mang paburoton ang tapak, mag-untol-untol sad ang mga sakyanan. Unya mga tapak nga kon mauwanan, mangapakpak lang pod dayon. So, what will have mao ang dugang libaong, ug samot ang pag-untol-untol sa atong mga sakyanan. Mao ni atong ipasibantog sa mga Asean delegates?

Ug tungod kay most of the sessions adto man sa mga dakbayan sa Shangri-La sa Lapu-Lapu ug sa International Convention Center sa Mandaue, unsa may role sa Cebu City? Unsa may ipangandam sa Cebu City?

And what has Cebu City to offer? Ang hugaw kaayo nga Carbon ug Taboan? Ang daghang uncollected garbage? Ang mga hugaw ug angso nga mga skywalk? Ang way disiplina nga mga driver sa PUJ ug taxi? Ang mga baho nga estero? Ang poorly maintained nga Plaza Independencia ug Fuente Osmeña park?

Of course, guided tour gyud alang sa mga delegates, kay tingali unyag masaag sila ug makakita sa mga dapit nga di angay nilang makit-an.

Anyway, tungod kay ang main nga venue adto man sa mga dakbayan sa Lapu-Lapu ug Mandaue, sila si Mayor Radaza ug Ouano maoy kinahanglang mangandam og maayo, ug kon duna may usa ka bilyon ka pesos, sila ang angayan hatagan sa maong kantidad.

Kita dinhi sa Cebu City, support group lang. Busa, wa'ay angay kabalak-an si Tomas. Sa atong experience, sa susamang event nga atong natambongan, di gyud magbalhin-balhin ang venue sulod sa usa ka session. Di mahitabo nga sa buntag adto sa Lapu-Lapu, unya pagkahapon sa Mandaue na pod, ug pagkagabii sa Cebu City. For convenience and for security reasons, di gyud ni mahitabo sa umaabot nga Asean Meet.

Mark my word, Dro.

Kon akoy organizer niini, adto sa Shangri-La ang tanan, unya, inighuman sa mga session, suroy-suroy na lang sa Mandaue ug Cebu City, dayong pamauli. Komentaryo? Text 0916-6488650.