Walay Ginoo!

Usa ka tawo ang nagpatupi sa usa ka barbero. Nahimong diskusyon nila ang mahitungod sa katinuod kon duna ba gyuy Ginoo. Ang barbero miingon: "Wala gyuy Ginoo pre! Kay naa pa, wala gyud untay mga pag-antus ning kalibutana. Walay mga dautan!" Ang gitupihan igo lang naminaw. Human siya matupihi niini, nigawas siya. Ang maong tawo nakakita og tawo nga taas kaayo og buhok og bungoton kaayo. Nidagan siyang nibalik ngadto sa barbero nga nagkanayon: "Walay Barbero Pre!" Ang barbero nga nakalitan misulti. "Binuang, dinhi man gani ka nagpatupi nako!" Ang maong tawo mitubag: "Ah, wala gyuy barbero kay kon duna pa, wala untay mga tag-as og buhok ug mga bungoton!" Ang barbero mitubag: "Naay barbero pre, apan kanang mga tawhana wala lang gyud moduol sa barbero nga sama nako aron matupihan!"

Pamalandong

Ingon ini usab higala ang mga tawo nga sama kanato. Nawala ang Ginoo tungod kay wala man nato siya tugoting mogiya sa atong kinabuhi. Nahulog kita sa gitawag sa pilosopiya og Practical Atheism tungod kay ang atong kinabuhi daw wala magmantala sa Diosnong Presensiya.